Platforma e-Kosova njofton se në bashkëpunim me Inspektoratin Policor të Kosovës kanë lansuar shërbimi “Parashtrimi i ankesave ndaj zyrtarëve policorë”.

Në njoftim thuhet se nëse pretendoni që u janë shkelur të drejtat e juaja nga zyrtarët policorë, tashmë ju mund ta raportoni.

“Në bashkëpunim me Inspektoratin Policor të Kosovës, në platformën eKosova u lansua shërbimi “Parashtrimi i ankesave ndaj zyrtarëve policorë”. Nëse pretendoni që u janë shkelur të drejtat tuaja nga zyrtarët policorë, ju mund të raportoni përmes shërbimit të lansuar duke ndjekur hapat si vijon: 1. Identifikohuni në Platformën eKosova; 2. Klikoni mbi “Shërbime”; 3. Klikoni mbi “Inspektoratet”; 4. Klikoni mbi “Parashtrimi i ankesave ndaj zyrtarëve policorë”, bëhet e ditur në njoftim e e-Kosovës të shpërndarë edhe nga IPK./Arbresh.info